YAP Saatlı rayon təşkilatında tədbir keçirilib
3-10-2022, 17:45. Yazar: sevinc1
AİA.Az xəbər verir ki, 3 oktyabr 2022-ci il tarixdə xalqımızın Ümummilli lideri Heydər Əliyevin 1993-cü il 3 oktyabr tarixində Azərbaycan Respublikasının Prezidenti seçilməsi ilə əlaqədar Yeni Azərbaycan Partiyası Saatlı rayon təşkilatında tədbir keçirildi. Əvvəlcə Ulu Öndər Heydər Əliyevin və ölkəmizin ərazi bütövlüyü uğrunda qəhrəmancasına həlak olmuş şəhidlərimizin xatirəsi bir dəqiqəlik sükutla yad edildi.
Tədbiri giriş sözü ilə açan Yeni Azərbaycan Partiyası Saatlı rayon təşkilatının sədri Lütvəli Şıxəliyev Ulu Öndərin həyat və fəaliyyəti haqqında geniş və ətraflı çıxış edərək bildirdi ki, müasir müstəqil Azərbaycan dövlətinin memarı və qurucusu, milli həmrəylik və bütövlüyü təmin edən azərbaycançılıq ideologiyasının banisi, xalqımızın və dövlətimizin xilaskarı, Ümummilli Lider Heydər Əliyevin Azərbaycan xalqı və dövləti qarşısındakı tarixi xidmətləri sonsuzdur və danılmazdır. Ümummilli Lider Heydər Əliyevin əbədiyaşar ideyalarının və Azərbaycan Respublikasının Prezidenti cənab İlham Əliyevin gərgin fəaliyyəti nəticəsində yaşadığı, daxili və xarici siyasətdə böyük uğurların əldə olunduğu bildirildi, Azərbaycan dövlətinin 44 günlük Vətən müharibəsində qazandığı Qələbə ilə ərazi bütövlüyünü bərpa etməsi, son illərdə doğma Azərbaycanın regionun ən güclü dövlətinə çevrilməsi və bu uğurlu siyasətin təməlində isə Azərbaycan dövlətinin güclənməsi, onun müstəqilliyinin qorunması, iqtisadiyyatının inkişafı və əhalisinin maddi rifah halının yaxşılaşmasının dayandığı tədbir iştirakçılarının nəzərinə çatdırıldı.
Geri dön