Rusiyada daha bir təhsil müəssisəsində insident:
29-09-2022, 11:03. Yazar: sevinc1
Rusiyada 2-ci kurs tələbəsi universitetə odlu silah və bıçaq gətirib.
aia.az oxu.az-a istinadən xəbər verir ki, hadisə Timiryazev adına Moskva Dövlət Aqrar Universitetində baş verib.
Mühafizəçilər kəmərində bıçaq olan gəncin universitetə yaxınlaşdığını görüblər. Onun Biologiya fakültəsinin 19 yaşlı tələbəsi Yuri Svetkov olduğu məlum olub. Gənc yerindəcə saxlanılıb və üzərində axtarış aparılıb.
Tələbənin üzərində bir neçə bıçaq və pnevmatik tapança aşkarlanıb. Svetkov silahı özünümüdafiə məqsədilə üzərində gəzdirdiyini iddia etsə də, inandırıcı olmayıb.
Gənc polisə təhvil verilib və yaxın vaxtlarda dindiriləcək.
aia.az
Geri dön