102-yə ən çox nə üçün zəng edirlər? -
6-09-2022, 17:04. Yazar: sevinc1
102-yə gələn heç bir müraciətə “əsassızdır, səhvdir” deyə etinasız yanaşılmır.
Bu, DİN Mətbuat Xidmətindən Lent.az-ın sorğusuna cavab olaraq bildirilib.
Qeyd edilib ki, 102 Zəng Mərkəzinə müxtəlif məzmunlu müraciətlər daxil olur. Daxil olan bütün müraciətlərə çevik reaksiya verilməklə müvafiq Baş İdarə, idarə, şöbə bölmələrə yönəldilir. Heç bir müraciətə “əsassızdır, səhvdir” deyə etinasız yanaşılmır, müraciət müəllifinə belə hallarda da izahedici məlumat-cavablar verilir.
Yalan məlumat vermə halı çoxluq təşkil etmir, çünki yalan məlumat vermə hüquqi məsuliyyət yaradır.
Cəmiyyətə məlumdur ki, verilən hər bir məlumat mütləq yoxlanılır. 102 Zəng Mərkəzinin fəaliyyəti elə təşkil olunub ki, bütün daxil olan zənglər, müraciətlərin rəqəmsal qeydiyyat-uçotu aparılır.
Daxil olan müraciətlər sırasında onlayn dələduzluq, sosial şəbəkələrlə bağlı vətəndaşların qarşılaşdıqları neqativ hallar, məişət səs-küyü çoxluq təşkil edir.
aia.az
Geri dön