Xəzər rayonunda gənclər arasında Bilik yarışması keçirildi
31-08-2022, 18:15. Yazar: sevinc1
30 avqust 2022-ci il tarixində, Binə Mərkəzi Kitabxanada Xəzər Rayon İcra Hakimiyyətinin dəstəyi, Xəzər Rayon Gənclər və İdman İdarəsi və “AudioKitab” Tətbiqinin birgə təşkilatçılığı ilə "Bilik yarışması" keçirilmişdir. Müxtəlif mövzular üzrə 3 mərhələdən ibarət yarışmada 18 gənc iştirak etmişdir.
aia.az xəbər verir ki, tədbirdə çıxış edən Xəzər Rayon İcra Hakimiyyəti başçısının müavini Lalə Əhmədova kitab oxumağın gənclərin intellektual cəhətdən inkişaf etməsində, hazırcavab və savadlı olmasında vacib rol oynadığını vurğuladı.
Qalib olan 4 nəfər gənc - Ələddin Fərhadov (I yer), Səkinə Ağayeva (II yer), Günay Əhmədova (III yer), Nəzrin Məlikova (IV yer) diplom və hədiyyələrlə təltif olunmuşdurlar.
Sonda tədbir iştirakşıları ilə xatirə şəkli çəkdirilmişdir.
aia.az
Geri dön