Deputat Novruz Aslanov xalq artisti İlhamə Quliyevanın məzarını ziyarət etdi
17-08-2022, 13:49. Yazar: sevinc1
Avqust ayının 17-də Azərbaycan Qızıl Aypara Cəmiyyətinin fəxri üzvü, Azərbaycan və Dağıstan Respublikalarının xalq artisti, “Şöhrət və şərəf ” ordenli İlhamə Quliyevanın xatirəsi yad edildi.
AİA.AZ xəbər verir ki, Azərbaycan QAC-ın Prezidenti, Millət vəkili Dr.Novruz Aslanov və Cəmiyyət kollektivi II Fəxri xiyabanda İlhamə xanımın məzarını ziyarət etdi, qəbri üstə gül dəstələri qoydular. Ruhuna dualar oxundu.
İlhamə Quliyeva Azərbaycan QAC-ın fəal üzvü kimi daim təşkilatın bütün tədbirlərində yaxından iştirak edib, öz töhfələrini verib. “Qızıl Aypara” himninin ən aparıcı solistlərindən biri kimi ayparaçıların qəlbində dərin iz buraxıb.Eyni zamanda 2 ci fəxri xiyabanda dəfn olunan Azərbaycanin xalq artisti Rafael Dadaşovu ve şəhidlərimizi ziyarət etdik, şəhid anası Xəlilova Lətifə xanım ilə görüşdük . Allah rəhmət eləsin!!!
aia.az
Geri dön