SƏNİ GÖZLƏYİRƏM
26-07-2022, 11:30. Yazar: sevinc1
Sevdalı çağımda
görüş yerində,
Yağışlı bir gündə
səni gözlədim.
Neçə saat keçdi,
ümid getmədi,
Dərdimi gizlədim,
yenə gözlədim…
Aradan ay keçib,
illər ötüşüb,
Səni unutmayıb
könlüm bir an da.
Hərdən mənə elə
gəlir ki, guya
Uzaq bir diyarda,
uzaq məkanda
Xəbərsiz olduğun
yerdə duraraq,
Səni gözləyirəm
elə o vaxtdan,
Nə vaxt gələcəksən,
söylə, nə zaman?
Moskva, 15.06.2004
Geri dön