Ana Sayfa > Manşet / Gündəm / Seçilənlər-9 > Taninmiş iş adamı, xeyriyyəçi Gülağa Tənha bir qrup media nümayəndələrini mükafatlandırıb

Taninmiş iş adamı, xeyriyyəçi Gülağa Tənha bir qrup media nümayəndələrini mükafatlandırıb


25-07-2022, 17:27. Yazar: admen
Taninmiş iş adamı, xeyriyyəçi Gülağa Tənha bir qrup media nümayəndələrini mükafatlandırıb

AİA.Az xəbər verir ki, tanınmış iş adamı, alim, şair-publisist və mesenat Gülağa Tənha 22 iyul Milli Mətbuat Gününə həsr olunmuş xeyriyyə tədbiri keçirib. Tədbirə dəvət olunan media qurumları arasında Az-press.AZ xəbər saytı, Can Vətən xəbər saytı, Azeri Pravda xəbər saytı, FUTbol+, “Şərq” qəzeti, SəsTV, “Cənub Xəbərləri” saytı, AİA.az (Azərbaycan İnformasiya Agentliyi) xəbər saytı, Aziya.az saytı, DiA.AZ, SiAM.AZ, QLOBAL.az, Newscenter.az saytları yer alıblar.

Məlum olduğu kimi, Gülağa Tənha Moskva İnşaat Mühəndisləri institutunu bitirib. SSRİ Ticarət Nazirliyinin Əsaslı Tikinti və Layihələşdirmə Baş İdarəsinin rəisi vəzifəsində işləyib. Tikintiyə aid iki monoqrafiya və 5 metodik vəsaitin müəllifidir. Beynəlxalq EKO Energetika Akademiyasının tikinti və memarlıq rektorudur.

Gülağa müəllimin rəhbərlik etdiyi “Gülaga Qəmbərov Fondu” Azərbaycanda təhsilin, səhiyyənin, idmanın və mədəniyyətin inkişafı sahəsində çoxsaylı layihələr həyata keçirir, xeyriyyəçilik fəaliyyəti ilə məşğul olur. Respublikamızda idmanın inkişafına qayğı göstərən Gülaga Qəmbərovun ən böyük arzularından biri dünya şahmat tacının Azərbaycana gətirilməsidir.

Həmçinin Gülağa Tənha respublikamızda medianın inkişafına mütəmadi olaraq öz dəstəyini və töhfələrini verir. O cümlədən 22 iyul Milli Mətbuat Günü münasibətilə keçirilən tədbirdə də Gülağa Tənhanın bədii və publisist yaradıcılığına müntəzəm olaraq yer verən, həmçinin onun fəaliyyətilə bağlı obyektiv yazılar dərc edən media qurumlarına pul mükafatları təqdim olunub. Tədbirdə çıxış edən media nümayəndələri Gülağa müəllimin gördüyü işlərdən söz açıblar, onun xeyriyyəçilik fəaliyyətini xüsusi olaraq vurğulayıblar.

Tədbirin sonunda iştirakçılara Gülağa Tənhanın müəllif imzası ilə kitabları və sözlərinə bəstələnmiş mahnıların yazıldığı disklər hədiyyə olundu, xatirə şəkilləri çəkildi.
Geri dön