Penetensiar sistemində çalışan həkimlər üçün təkmilləşdirilmə kursu keçirilib
4-07-2022, 13:22. Yazar: admen
Əziz Əliyev adına Azərbaycan Dövlət Həkimləri Təkmilləşdirmə İnstitutunun psixiatriya və narkologiya kafedrasında 2021/2022-ci tədris ilində Beynəlxalq Qızıl Xaç və Qızıl Aypara Hərəkatının təşəbbüsü ilə psixiatrik yardımın göstərilməsinin yaxşılaşdırılması məqsədilə penetensiar sistemində çalışan həkimlərin təkmilləşdirilməsi və onların potensialların inkişaf etdirilməsi üçün təkmilləşdirilmə kursları keçirilir.
İnstitutun mətbuat xidmətindən verilən məlumata görə, psixiatriya mövzusunda on gün davam edən növbəti kurs başa çatıb.
Kursda Ədliyyə Nazirliyi sistemində çalışan 11 həkim-psixiatr və narkoloq iştirak edib. Müdavimlərə müxtəlif yaş dövrlərində psixoaktiv maddələrdən asılılığın xüsusiyyətləri haqqında ətraflı məlumat verilib və həmin asılılığın müalicə və reabilitasiya yolları göstərilib.
Geri dön