Azərbaycanda deputat köməkçisi qəzada öldü
11-08-2015, 15:26. Yazar: admin
Qəzaya uğrayan “Qazel”in içindəki qarpızlar yola tökülüb.
Salyan rayonu ərazisində ağır yol qəzası baş verib. Hadisə rayonun Xıdırlı kəndi ərazisində qeydə alınıb.
Baş Dövlət Yol Polisi İdarəsindən ANS PRESS-ə verilən məlumata görə, Xıdırlı kəndi ərazisində “Opel” markalı avtomobil içi qarpızla dolu olan “Qazel” markalı yük maşını ilə toqquşub.
Zərbənin təsirindən yük maşını aşıb və içindəki qarpızlar yola dağılıb.
Qəza nəticəsində minik avtomobilinin sürücüsü hadisə yerindəcə dünyasını dəyiyişib. Sərnişinlərindən biri qadın olmaqla iki nəfər ağır xəsarətlərlə xəstəxanaya çatdırılıb.
Faktla bağlı Baş Dövlət Yol Polisi İdarəsində cinayət işi açılıb, araşdırmalar aparılır.
Qeyd edək ki, “Opel” markalı avtomobildə vəfat edən şəxs Milli Məclisin deputatı Fəzail Ağamalının köməkçisi Həsənbala Həsənovdur.
Geri dön