Nazirlik özəl klinikalarda nəzarətə başladı
18-05-2016, 11:13. Yazar: admin
Azərbaycan Səhiyyə Nazirliyi ölkədəki özəl stasionar müəssisələrində müalicə edilən xəstələrin sağlamlıq vəziyyətinə və stasionarların fəaliyyətinə elektron formada nəzarət etməyə başlayıb.
Aia.az bildirir ki, Nazirliyin Səhiyyənin İnformasiyalaşdırılması Mərkəzinin direktoru Cəbrayıl Əsəd-zadə Trend-ə deyib ki, artıq ölkənin bütün dövlət stasionar müəssisələrində müalicə edilən xəstələrin sağlamlıq vəziyyətinə və stasionarların fəaliyyətinə elektron formada nəzarət edilir: "Bunun üçün nazirliyin tabeliyindəki stasionar müəssisələrin elektron nəzarət sistemi qurulub. Bu sistemə stasionar müəssisələr tərəfindən xəstələrin xəstəlik tarixçələrindən çıxarışlar daxil edilir. Bununla da elektron sistem vasitəsilə stasionarlarda müalicə olunan xəstələr barəsində tibbi məlumatlar - onların diaqnozları, xəstəxanada keçirdikləri müayinə və müalicələr barədə məlumatlar nazirliyin mərkəzi bazasına toplanılır. Bunun nəticəsində stasionar müəssisələrin fəaliyyəti ilə bağlı bir çox kriteriyalar üzrə analizlər aparmaq, onların fəaliyyətinin effektivliyini müəyyənləşdirmək mümkün olur".
Azərbaycanda xəstələr üçün elektron növbə sistemi qurulacaq
C.Əsəd-zadə deyib ki, ötən ildən başlayaraq, artıq özəl stasionar müəssisələrin sistemə daxil olması üçün işlərə başlanılıb: "Bütün özəl stasionar müəssisələrin sistemə daxil olmasını təmin etməkdən ötrü onlara məktubla müraciət edilib. Artıq özəl stasionar müəssisələrin əksəriyyəti bu sistemə daxil olub. Özəl müəssisələr də artıq ümumi statitistik formanı dolduraraq nazirliyə təqdim etməlidirilər. Özəl müəssisələr hər stasionar müalicə alan xəstə barədə xəstəlik tarixçəsindən çıxarışı sistemə daxil edirlər".
Geri dön