Şirvan şəhərində Ulu Öndər Heydər Əliyevin anadan olmasının 99-cu ildönümü münasibətilə tədbir keçirilib
6-05-2022, 12:10. Yazar: sevinc1
AİA.Az xəbər verir ki, 05 may 2022-ci il tarixdə Ulu Öndər Heydər Əliyevin anadan olmasının 99-cu ildönümü münasibətilə “Heydər Əliyev irsi milli sərvətimizdir” mövzusunda YAP Şirvan şəhər təşkilatı,Şirvan şəhər Mədəniyyət Mərkəzi və Şirvan Gənclər Evi ilə birgə tədbir keçirilib. YAP Şirvan şəhər təşkilatının sədri Zahir Qəhrəmanov, Şirvan şəhər Mədəniyyət Mərkəzinin direktoru Nəmidə Nəmini, Şirvan Gənclər Evinin könüllüləri, tələbə gənclər olmaqla ümumilikdə 87 nəfər iştirak etdi. Toplantı Ulu Öndər Heydər Əliyevin və şəhidlərimizin ruhunu bir dəqiqəlik sükutla yad etməklə açıq elan olundu. Gənclər Evinin direktoru Əfqan Həsənov, YAP Şirvan şəhər təşkilatının sədri Zahir Qəhrəmanov, Şirvan şəhər Mədəniyyət Mərkəzinin direktoru Nəmidə Nəmini çıxış edərək gənclərə ümummilli lider Heydər Əliyevin mənalı həyat yolu, zəngin və çoxşaxəli irsi, siyasi fəaliyyəti və ideyaları haqqında geniş məlumat verdilər. Vətəni, xalqı qarşısında misilsiz xidmətləri olmuş ümummilli lider Heydər Əliyevin anadan olmasının 99-cu ildönümünün ölkəmizin hər yerində hər bir azərbaycanlının yüksək ehtiramı və dərin minnətdarlıq hissi ilə geniş şəkildə qeyd olunduğu, Ulu Öndərimizin dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi olduğu qeyd olundu. Toplantıda ümummilli lider Heydər Əliyevə həsr olunmuş videoçarx nümayiş olundu.
Toplantıdan sonra, Gənclər Evinin əməkdaşları və könüllüləri, ümummilli lider Heydər Əliyevin abidəsini ziyarət edərək, tər güllər düzdülər. Həmçinin Şirvan şəhər Heydər Əliyev mərkəzinə ekskursiya təşkil olundu. Mərkəzdəki guşə və eksponatlar barədə gənclərə məlumat verildi.
Geri dön