YAP Göygöl rayon təşkilatı tərəfindən görkəmli elm xadimi, oftalmoloq, akademik Zərifə xanım Əliyevanın əziz xatirəsinə həsr edilmiş elmi praktik konfrans keçirilib
28-04-2022, 18:02. Yazar: sevinc1
Aprelin 28-də Yeni Azərbaycan Partiyası Göygöl rayon təşkilatı Mərkəzi Rayon Xəstəxanası Ərazi partiya təşkilatı fəallarının iştirakı ilə keçirilən konfransda ilk öncə YAP Göygöl rayon təşkilatının sədri Vüqar İsayev tədbir iştirakçılarını salamladıqdan sonra Azərbaycan Respublikasının qurucusu Ulu Öndər Heydər Əliyevin, akademik Zərifə xanım Əliyevanın və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Vüqar İsayev giriş nitqi ilə çıxış edərəkgörkəmli elm xadimi, oftalmoloq Akademik Zərifə xanım Əliyevanın həyat fəaliyyətindən, onun tibb elminə verdiyi sanballı töhfələrdən bəhs etmiş, qazandığı nailiyyətlərdən və yüksək titullara layiq görülməsindən danışmış, dünya miqyasında iridodiaqnostikaya dair ilk kitabın müəllifi məhz akademik Zərifə Əliyeva olduğunu bildirmişdir. Zərifə xanımın 1954-cü ildə unudulmaz dahi şəxsiyyət Heydər Əliyevlə xoşbəxt bir ailənin təməlini qoyaraq, birlikdə əsl ailə etalonu yaratdıqlarını qeyd edərək, Zərifə xanımın zərif, həssas qadın, mehriban ömür-gün yoldaşı, qayğıkeş ana kimi qürurla anıldığını vurğulamışdır. Vüqar İsayev, dünyada şöhrət qazanmış Azərbaycan Respublikasının Prezidenti, Yeni Azərbaycan Partiyasının sədri, Müzəffər Ali Baş Komandan İlham Əliyevin uğurla həyata keçirdiyi daxili və xarici siyasətdən və Birinci vitse-prezident Mehriban xanım Əliyevanın gördüyü saysız-hesabsız savab işlərdən danışmış, həyat və fəaliyyətlərindəki möhtəşəm uğurlarına görə Ulu Öndər Heydər Əliyevə və Zərifə xanım Əliyevaya allahdan rəhmət diləmişdir.
Mərkəzi Rayon Xəstəxanası Ərazi partiya təşkilatının sədri Vasif Əliyev geniş məruzə ilə çıxış edərək ömrü boyu insanları qaranlıqdan işığa daşıyan, xalqın, millətin sağlamlıq qayğıları ilə yaşamış Zərifə xanım Əliyevanın həyat yolundan, yüksək insani keyfiyyətlərindən və elmə bəxş etdiyi yeniliklərdən bəhs etmişdir.
Çıxış edən partiya fəalı, həkim oftalmoloq Şəhla Rəhimova akademik Zərifə xanım Əliyevanın tibb sahəsində və xüsusilə oftalmologiya sahəsində elmə verdiyi töhfələrdən və yaratdığı dəyərlərdən bu gün və gələcəkdə də daim insanların sağlamlığı üçün istifadə olunacağından bəhs etmişdir.
Sonda partiya sıralarına qəbul olunmaq üçün müraciət edən bir qrup şəxs YAP Göygöl rayon təşkilatının sədri Vüqar İsayev tərəfindən qəbul edilmişdir.
aia.az
Geri dön