Türkiyə ilə Ukrayna razılığa gəldi
14-05-2016, 13:58. Yazar: admin
Ukrayna baş nazirinin müavini Gennadi Zubko Kiyevdə keçirilən 10-cu Türkiyə-Ukrayna hökumətlərarası ticarət və iqtisadi əməkdaşlıq konfransında çıxış edib.
Zubko açıqlamasında Türkiyə və Ukraynanın təyyarə istehsalı ilə məşğul olan "Antonov" şirkətinin zavodlarında birgə sərnişin və yük təyyarəsi istehsal etmək haqda razılığa gəldiyini bildirib.
Baş nazirin müavininin sözlərinə görə An-158 tipli sərnişin təyyarəsinin bazasında Türkiyə üçün TAN-158 tipli sərnişin təyyarəsi, An-178 tipli təyyarənin bazasında isə müvafiq yük təyyarəsinin istehsal olunması nəzərdə tutulur.
Bundan başqa danışıqlar çərçivəsində Ukraynadan gələn mütəxəssislər Türkiyədə qurulacaq nüvə stansiyasının təhlükəsizliyi ilə bağlı məsləhətlər verəcəklər.
Zubko, həmçinin nüvə stansiyası üçün mütəxəssislərin də yetişdiriləcəyini, türk tələbələrin Ukraynada staj keçməsinin də təmin olunacağını söyləyib.
aia.az
Geri dön