Bakıda küləyə görə xəsarət alanların vəziyyəti açıqlandı -
21-04-2022, 15:15. Yazar: sevinc1
Bakıda əsən güclü külək səbəbindən yaralanan 2 nəfərin vəziyyəti açıqlanıb.
Kliniki Tibbi Mərkəzin (KTM) Mətbuat xidmətinin rəhbəri Elnur Hidayətoğlu açıqlaqmasında bildirib ki, hər iki şəxs mərkəzə yerləşdirilib.
"Qaradağ rayon sakini, 1988-ci il təvəllüdlü şəxs Sahil qəsəbəsində yerləşən iş yerində olarkən xəsarət alıb. Belə ki, güclü külək səbəbindən darvaza onun üzərinə aşıb. Diaqnozu on ikinci döş, birinci bel fəqərələrinin zədələnməsi olub. Dərhal KT olunub, ilkin tibbi yardım göstərilib və bir müddət sonra ambulator müalicəyə buraxılıb.
Digər xəsarət alan, Lökbatan qəsəbə sakini, 1962-ci il təvəllüdlü şəxs tır sürücüsüdür. Özünün dediyinə görə, tırın qapısını açarkən güclü külək qapını əlindən alıb və o da yıxılaraq xəsarət alıb. Hadisə nəticəsində kəllə-beyin travması alan şəxs hazırda Mərkəzin Neyrotravma şöbəsinə yerləşdirilib və müalicəsi davam edir",- E.Hidayətoğlu deyib.
-------
11:12
Bakıda küləkli hava ilə əlaqədar 2 nəfər (kişi) müxtəlif dərəcəli bədən xəsarətləri alıb.
Bu barədə Səhiyyə Nazirliyindən məlumat verilib.
Məlumatda bildirilir ki, yaralananlar Bakı Şəhər Təcili və Təxirəsalınmaz Tibbi Yardım Stansiyasının briqadaları tərəfindən xəstəxanaya çatdırılıblar.
aia.az
Geri dön