Sumqayıtda Səlim Babullaoğlu ilə görüş keçirilib
10-04-2022, 10:22. Yazar: admen
AYB Sumqayıt bölməsinin təşəbbüsü və təşkilatçılığı ilə Poeziya Evində Azərbaycan Yazıçılar Birliyinin katibi, şair, esseist, tərcüməçi Səlim Babullaoğlu ilə görüş keçirilib.
AYB Sumqayıt bölməsinin sədri Gülnarə Cəmaləddin tədbir iştirakçılarını salamlayıb sözü aparıcı Əli Niyazbəyliyə verib.
Qələm adamlarından Ofelya Babayeva, Rafiq Yusifoğlu, İbrahim Hacıyev, Süleyman Hüseynov, Ağalar İdrisoğlu, Hümbət Quliyev, İqbal Nemət, Emin Piri Səlim Babullaoğlu şəxsiyyətindən və yaradıcılıq məziyyətlərindən danışıblar.
AİA.Az xəbər verir ki,Tədbirdə AYB sədrinin müşaviri Rauf Aslanov və Azərbaycan Yazıçılar Birliyi Güney Azərbaycan Şöbəsinin rəhbəri Sayman Aruz da iştirak edib.
Sonra söz Səlim Babullaoğluna verilib.O, oxucuların çoxsaylı suallarına cavab verərək, yeni şeirlərini oxuyub. Şairin Əməkdar artist Nazir Rüstəmin ifasında səslən şeirləri məclisə başqa bir ovqat bəxş edib.
Sonda AYB Sumqayıt bölməsinin sədri Gülnarə Cəmaləddin görüşdə iştirak edən hər kəsə təşəkkürünü bildirib, belə tədbirlərin keçirilməsinin əhəmiyyətini vurğulayıb.
Geri dön