Çempionlar Liqası: “Benfika” və “Atletiko” 1/4 finalda!
16-03-2022, 11:39. Yazar: admen
İspaniyanın "Atletiko Madrid" futbol klubu Çempionlar Liqasının 1/8 final mərhələsinin cavab oyununda İngiltərənin "Mançester Yunayted" klubuna 1:0 hesabı ilə qalib gəlib.
AİA.Az Trend-ə istinadən bildirir ki, görüş Mançesterin "Old Trafford" stadionunda keçirilib.
Qolu 41-ci dəqiqədə Renan Lodi vurub. Madriddə keçirilən ilk görüş 1:1 hesablı heç-heçə başa çatıb.
Beləliklə, iki oyunun nəticələrinə görə "Atletiko" Çempionlar Liqasının 1/4 finalına yüksəlib, komandanın rəqibi martın 18-də püşkatmanın nəticələrinə əsasən müəyyənləşəcək.
Gecənin digər matçında isə Niderland "Ayaks"ı Portuqaliya "Benfika"sını qəbul edib. Lissabondakı ilk matçda məhsuldar heç-heçə qeydə alınmışdı. Bu görüşdə də qonaqlar minimal hesabla qalib gəlib və növbəti mərhələyə yüksəlib.
Daha əvvəl İngiltərənin "Liverpul" və "Mançester Siti", İspaniyanın "Real" və Almaniyanın "Bayern" klubları 1/4 finala vəsiqə əldə edib.
UEFA Çempionlar Liqası
1/8 finalın cavab oyunları
15 mart
"Mançester Yunayted" (İngiltərə) - "Atletiko" (İspaniya) 0:1
Qol: Lodi, 41.
İlk oyun - 1:1
"Ayaks" (Niderland) - "Benfika" (Portuqaliya) 0:1
Qol: Nunez, 77.
İlk oyun - 2:2
Geri dön