YAP Samux rayon təşkilatı ərazi partiya təşkilatlarında hesabat-seçki yığıncaqları keçirilir
23-02-2022, 16:36. Yazar: sevinc1
23 Fevral 2022-ci il tarixdə Yeni Azərbaycan Partiyası Samux rayon təşkilatı Qovlarsarı, Qovlarsarı orta məktəb, Gigiyena Epidimologiya Mərkəzi ərazi partiya təşkilatlarında hesabat-seçki yığıncaqları keçirilib.
Əvvəlcə Yeni Azərbaycan Partiyasının yaradıcısı, ümummilli lider Heydər Əliyevin və Vətən uğrunda canından keçən şəhidlərin əziz xatirələri bir dəqiqəlik sükutla yad edilib.
Yığıncaqlarda ərazi partiya təşkilatlarının ötən dövr ərzindəki fəaliyyətləri barədə hesabat məruzələri dinlənilib. Çıxış edən partiya fəalları ərazi partiya təşkilatlarının hesabat dövrü ərzindəki fəaliyyətlərini qənaətbəxş qiymətləndiriblər.
Daha sonra təşkilati məsələlərə baxılaraq ərazi partiya təşkilatlarına sədr və sədr müavinləri seçilib. Ramil Aslanov Qovlarsarı ərazi partiya təşkilatının sədri, Mahirə Bağırova sədr müavini, Ramilə Aslanova Qovlarsarı orta məktəb ərazi partiya təşkilatının sədri, Tağıyeva Təranə sədr müavini, Ceyhun Əliyev Gigiyena Epidimologiya Mərkəzi ərazi partiya təşkilatının sədri, Vəfa Tağıyeva sədr müavini seçiliblər.
Yığıncaqlarda iştirak edən YAP Samux rayon təşkilatının sədri Gündüz Bayramov yeni seçilən sədr və sədr müavinlərini təbrik edərək işlərində uğurlar arzulayıb, partiya üzvlərini partiyanın fəaliyyətində daha yaxından iştirak etməyə çağırıb.
aia.az
Geri dön