Ukrayna hərbçilərin Rusiya ərazisinə daxil olması barədə məlumatı təkzib edib
21-02-2022, 17:59. Yazar: admen
Ukrayna Dövlət Sərhəd Xidməti Rusiya tərəfinin ukraynalı hərbçilərin Rusiya ərazisinə daxil olması ilə bağlı yaydığı məlumatı təkzib edib.
AİA.Az-ın məlumatına görə, Ukrayna Dövlət Sərhəd Xidmətinin mətbuat xidmətinin açıqlamasında deyilir.
Qeyd olunur ki, Rusiya tərəfinin açıqladığı məlumatlar təxribat xarakteri daşıyır. Hər hansı bir insidentlə əlaqədar Rusiya tərəfindən heç bir qeyri-adi vəziyyət barədə məlumat daxil olmayıb.
Xatırladaq ki, Rusiya Müdafiə Naziriyinin Cənub Hərbi Dairəsinin mətbuat xidmətinin yaydığı məlumatda qeyd olunub ki, fevralın 21-də səhər saatlarında Ukrayna ərazisindən daxil olan qrupla sərhədçilər arasında atışma baş verib. Nəticədə qruplaşmanın üzvləri zərərsizləşdirib. İki piyada döyüş maşını (PDM) isə Rusiya ordusu tərəfindən məhv edilib.
AİA.Az
Geri dön