Bakı Gənclər Mərkəzi 2 fevral - Azərbaycan Gəncləri Günü münasibətilə mükafatlandırılma tədbiri keçirib
3-02-2022, 13:32. Yazar: sevinc1
Gənclər və İdman Nazirliyi nəzdində Bakı Gənclər Mərkəzinin təşkilatçılığı ilə 2 fevral Azərbaycan Gəncləri Gününə həsr edilmiş “Təltifnamə mərasimi” adlı tədbir həyata keçirilib.
Tədbir Azərbaycan Respublikasının Dövlət himni ilə açıq elan edildi. Şəhidlərimizin əziz xatirəsi 1 dəqiqəlik sükütla ehtiramla yad edildi. Tədbirin açılış nitqində Bakı Gənclər Mərkəzinin direktoru Nərgiz Babayeva çıxış edərək gəncləri təbrik edib, onlara fəaliyyətlərində və karyeralarında uğurlar arzulayıb.
Ardınca ümummilli lider Heydər Əliyevin gənclərlə bağlı çıxışını əks etdirən video-çarx nümayiş olunub.
Daha sonra Bakı Gənclər Mərkəzinin “Biz Gələcəyin Mənbəyiyik” adlı Himni səslənib gənclərimiz rəqs ilə çıxış ediblər.
Təltifnamə hissəsində ilk öncə Vətən müharibəsi iştirakçıları, Vətənimizin müstəqilliyi uğrunda böyük şücaət göstərən qazilərimiz "Gənclərlə iş sahəsində göstərdikləri dəstəyə görə" nominasiyası ilə təltif edilib.
Ardınca “İlin Könüllüləri”nin və istedadlı gənclərin təltif edilməsinə keçid edilib. Bakı Gənclər Mərkəzinin “Yeni Dövrün Yeni Könüllüləri 4” proqramının fəal könüllüləri, 2021-ci il “Nizami Gəncəvi ili” çərçivəsində yazıçı, filosof Nizami Gəncəvinin əsərlərinin canlandırılmasında göstərdikləri təşəbbüs və fəal iştiraklarına dair gənclər,
Parlaq zəfəri bizə yaşadan, torpağlarımızın müstəqilliyi, baş ucalığımızın hürriyəti uğrunda fədakarlıq göstərərək Şəhadət zirvəsini fəth edən Şəhidlərimizin xatirəsinə həsr olunan “Əsirin zəfəri” tamaşısının ərsəyə gəlməsində əməyi keçən mərkəzin "Aktyorluq klubu""nun fəal gəncləri təşəkkürnamə ilə təltif olunublar.
Bakı Gənclər Mərkəzi ilə əməkdaşlıq çərçivəsində qarşılıqlı fəaliyyət göstərən, gənclərlə iş sahəsində göstərdikləri dəstəyə görə bir sıra gənclər təşkilatları da təltif edilib.
Fəaliyyətlərinə dair, tədbirlərin və layihələrin həyata keçirilməsi istiqamətində təşkilati heyət qismində iştirak edən Bakı Gənclər Mərkəzinin əməkdaşları da təltif olunanlar sırasında idi.
Tədbirin yekununda mərasimdə iştirak edən bütün qonaqlara, qazilərə, könüllülərə və gənclərə iştiraklarına görə təşəkkür edilib.
Mükafatlandırılma mərasimi "Asiman" rəqs qrupunun maraqlı rəqs nümayişi ilə sona yetib.
AİA.Az
Geri dön