Xaçmaz rayonunda “Gənclik Yeni Zəfərlərə Doğru” mövzusunda konfrans keçirilib
2-02-2022, 15:42. Yazar: sevinc1
2 Fevral – Azərbaycan Gəncləri Gününün təsis edilməsinin 25 illiyi münasibətilə Xaçmaz Heydər Əliyev Mərkəzində Xaçmaz Rayon İcra Hakimiyyəti, Xaçmaz Regional Mədəniyyət İdarəsi, Xaçmaz Rayon Gənclər və İdman İdarəsi və Gənclərin Karyera və İnkişaf Mərkəzinin Xaçmaz Nümayəndəliyinin birgə təşkilatçılğı ilə “Gənclik Yeni Zəfərlərə Doğru” mövzusunda tədbir keçirilib. Tədbirdə Xaçmaz Rayon İcra Hakimiyyətinin başçısı Elnur Rzayev, Xaçmaz Regional Mədəniyyət İdarəsinin rəisi Vüsal Hüseynov, Xaçmaz Rayon Gənclər və İdman İdarəsinin rəisi Elman Məmmədov, rayon Ağsaqqallar Şurasının sədri Məhərrəm Abbasov, idarə və müəssisə rəhbərləri, qazilər və gənclər iştirak edib. İştirakçılar əvvəlcə ümmumilli lider Heydər Əliyevin abidəsini və Şəhidlər Xiyabanını ziyarət edib. Daha sonra Xaçmaz Şəhər Uşaq İncəsənət məktəbinin yetirmələrinin əl işlərindən sərgiyə baxış keçirilib. Məktəblilər 44 günlük Vətən Müharibəsində şəhid olan xaçmazlı oğulların rəsmlərini fırça üzərində canlandırıblar.
Rəsmi hissədə əvvəlcə, Azərbaycan Respublikasının Dövlət Himni səsləndirilib, torpaqlarımızın azadlığı uğrunda canlarını fəda etmiş şəhidlərimizin xatirəsi bir dəqiqəlik sükutla yad edilib,.
Tədbirdə çıxış edən Xaçmaz Rayon İcra Hakimiyyətinin başçısı Elnur Rzayev bildirib ki, Müstəqil Azərbaycan Respublikası Gənclərinin I Forumunun təşkili və 2 Fevral – Azərbaycan Gəncləri Gününün təsis olunması xalqımızın ümummilli lideri Heydər Əliyevin adı ilə bağlıdır. Bu gün Ulu Öndərin əsasını qoyduğu gənclər siyasəti Respublika Prezidenti, Ali Baş Komandan İlham Əliyev tərəfindən uğurla davam etdirilir. İcra başçısı qeyd edib ki, Azərbaycan gənclərinin günümüzün müasir, inkişaf etmiş, yüksək intellektli aparıcı qüvvə kimi formalaşmasında, birmənalı olaraq dövlətimizin apardığı gənclər siyasətinin mühüm rolu var.
Çıxış edən ağsaqqalllar, şəhid ailələri və qazilər, rayonda fəaliyyət göstərən gənclər təşkilatlarının üzvləri müxtəlif sahələrdə gənclərin fəaliyyətindən, onlara göstərilən ən yüksək diqqət və qayğıdan danışıblar. 44 günlük Vətən müharibəsində əldə olunan tarixi qələbədə gənclərin müstəsna xidmətləri olduğu vurğulanıb.
Tədbirin bədii hissəsində yerli incəsənət ustalarının ifasında rəngarəng konsert proqramı təqdim edilib.
AİA.Az
Geri dön