YAP Samux rayon təşkilatı ağacəkmə aksiyası keçirdi
16-11-2021, 12:53. Yazar: sevinc1
Yeni Azərbaycan Partiyasının yaranmasının 29-cu ildönümü ilə bağlı ölkəmizin bütün bölgələrində silsilə tədbirlər keçirilir. YAP Samux rayon təşkilatı da bu tarixi hadisə ilə əlaqədar tədbirlər planına uyğun olaraq ardıcıl tədbirlər reallaşdırır. 16 noyabr 2021-ci il tarixində rayon təşkilatının təşkil etdiyi növbəti tədbirlərdən biri ağacəkmə kampaniyası olub.
Belə ki, kampaniyada rayon təşkilatının müxtəlif ərazi ilk partiya təşkilatlarından partiya fəalları iştirak edib. Rayon ərazisində təmiz ekoloji mühitin yaradılması və yeni yaşıllıqların salınması üçün aksiya iştirakçıları tərəfindən Samux-Kür magistiral avtomobil yolunun kənarına və sosial-ictimai obyektlərin həyətlərinə 500 ədəddən artıq həmişəyaşıl və dekorativ ağac, çinar, Eldar şamı, gül kolu əkilmiş, quruyan ağaclar yeniləri ilə əvəz edilmişdir. Kampaniyaya rayon gəncləri böyük həvəslə dəstək verirdilər. YAP fəallarının xüsusi səliqə ilə əkdiyi tinglərin dibləri bərkidildi və suvarıldı. Əkilən yeni ağaclara hər həftə qulluq edilməsi qərara alındı.
YAP Samux rayon təşkilatının sədri Gündüz Bayramovun sözlərinə görə, təşkilat partiyanın yaranmasının 29-cu ildönümü ilə bağlı digər tədbirlər də keçirəcək.
aia.az
Geri dön