Ana Sayfa > Media > Samuxda şəhidin ildönümü qeyd olunub

Samuxda şəhidin ildönümü qeyd olunub


15-11-2021, 15:22. Yazar: sevinc1
Samuxda şəhidin ildönümü qeyd olunub


44 günlük Vətən müharibəsində Şəhidlik zirvəsinə yüksəlmiş igid oğullarımızın yoxluğundan artıq 1 il ötür.

Samux Rayon İcra Hakimiyyəti başçısı Alı Qocayev, Yeni Azərbaycan Partiyası Samux rayon təşkilatının sədri Gündüz Bayramov, qazilər, şəhidin doğmaları və ictimaiyyət nümayəndələri torpaqlarımızın işğaldan azad edilməsi uğrunda gedən 2-ci Qarabağ müharibəsində qəhrəmancasına döyüşərək şəhidlik zirvəsinə ucalan Ziyadlı kəndindən olan Abdullayev Qəzənfər Nəcəf oğlunun məzarını şəhidimizin ildönümündə ziyarət ediblər.

Mərasimdə Ali Baş Komandan İlham Əliyevin rəhbərliyi altında həmin müharibədə qazanılan şanlı Qələbədə Abdullayev Qəzənfərin timsalında bütün Samux şəhidlərinin şücaətindən danışılıb. Daha sonra tədbir iştirakçıları igid Vətən oğlunun valideynlərinə və ailə üzvlərinə ailələrinə səbir diləyib, əziz xatirələrini ehtiramla yad ediblər.

Şəhidin ailə üzvləri hər zaman dövlət qayğısı ilə əhatə olunduqlarına görə razılıqlarını ifadə edib, ölkə Prezidenti İlham Əliyevə, Birinci vitse-prezident Mehriban xanım Əliyevaya minnətdarlıqlarını bildiriblər.

aia.az
Geri dön