"Qarabağ" UEFA reytinqində 6 pillə irəlilədi
22-10-2021, 09:44. Yazar: sevinc1
Avrokubokların qrup mərhələsinin III turu başa çatıb.
aia.az xəbər verir ki, turun görüşlərindən sonra klubların UEFA reytinqi açıqlanıb.
Avropanın ən yaxşı 100 komandası arasında Azərbaycanın yalnız bir təmsilçisi yer alıb. Bu, Ağdamın “Qarabağ” klubudur.
Premyer Liqanın vitse-çempionu Konfrans Liqasının III turunda Qazaxıstan “Kayrat”ını 2:1 hesabı ilə məğlub edib. Bu qələbə Qurban Qurbanovun yetirmələrinin hesabına 0,500 xal gətirib.
Aktivini 21,000-a çatdıran “Qarabağ” 6 pillə irəliləyib. Bu görüşədək Avropada 69-72-ci yerləri bölüşən təmsilçimiz artıq 63-66-cı pillələrə şərikdir.
Ağdamlılar “Feyenoord” (Niderland), “Real Sosyedad” (İspaniya) və “Borussiya” (Mönhenqladbax, Almaniya) ilə eyni xala malikdir.
Qeyd edək ki, siyahıya “Bavariya” başçılıq edir – 122,000.
aia.az
Geri dön