“Aqrarkredit” QSC Azərbaycan Banklar Assosiasiyasının təşəbbüsünə qoşulub
11-08-2021, 11:24. Yazar: sevinc1
Məlum olduğu kimi, İyulun 28-də Türkiyə Cümhuriyyətinin müxtəlif bölgələrində, xüsusilə turistlərin istirahət etdiyi zonalarda baş verən və hələ də davam edən şiddətli yanğınlar təbiətə, ekosistemə, ölkənin meşə fonduna ciddi zərər vurmuşdur.
Meşə fondunun yenidən dirçəldilməsi, məhv olan yaşıllığın bərpası məqsədi ilə Azərbaycan Banklar Assosiasiyası tərəfindən irəli sürülmüş xeyirxah təşəbbüsə «Аqrarkredit» Qapalı Səhmdar Cəmiyyəti Bank olmayan Kredit Təşkilatı (“Aqrarkredit” QSC) da qoşularaq, Kredit Təşkilatlarında çalışan hər bir əməkdaşın adına 5 ədəd ağac tinginin (hər əməkdaş üçün 50 TL məbləğində) Türkiyə Respublikasına bağışlanması üçün qərar qəbul etmişdir.
Belə ki, «Аqrarkredit» QSC-də cəmi 283 nəfər işçinin çalışdığı nəzərə alınaraq, 1415 ədəd ağac tinginin alınması məqsədilə 1660 ABŞ dolları məbləğində vəsait Azərbaycan Banklar Assosiasiyasının təklif etdiyi hesablaşma hesabına köçürülmüşdür.
«Аqrarkredit» QSC hər zaman bütün Azərbaycan xalqı kimi qardaş Türk xalqının yanındadır.
«Аqrarkredit» QSC -nin kollektivi inanır ki, zərər görmüş Türkiyə təbiəti qısa müddət ərzində bərpa olunacaq və yenidən yaşıllığa bürünəcəkdir.
Geri dön