ABŞ "Delta" ştammına görə karantin məhdudiyyətləri tətbiq etməyəcək
3-08-2021, 09:35. Yazar: sevinc1
ABŞ rəhbərliyi yeni “Delta” ştammına görə, ölkədə yenidən karantin məhdudiyyətləri tətbiq etmək niyyətində deyil.
aia.az-ın məlumatına görə, bunu Ağ Evin mətbuat katibi Cen Psaki mətbuat konfransında deyib.
O bildirib: “Yenidən iş sahələrində məhdudiyyətlər olmayacaq. İqtisadi sahədə çox irəliləmişik”.
Ağ Evin sözcüsünə ABŞ-ın keçmiş prezidenti Barak Obamanın bu həftə xeyli sayda qonağın iştirakı ilə 60 yaşını qeyd etməyinə dair sual verilib. C.Psaki sualı cavablandıraraq deyib: "Əlbəttə ki, hər kəsə tibb mütəxəssislərinin tövsiyələrinə riayət etməyi məsləhət görürük. Bildiyimə görə, keçmiş prezident tibb işçilərinin tövsiyələrinə əməl edərək vaksinasiyanın güclü tərəfdarıdır".
aia.az
Geri dön