Aqiyə Naxçıvanlı Şəhid ailələrinə “Qurban pay”ları göndərdi
21-07-2021, 20:04. Yazar: sevinc1
Müqəddəs Qurban bayramını öz seşiciləri ilə birlikdə qeyd edən Azərbaycan Respublikası Milli Məclisinin deputatı Aqiyə Naxçıvanlı 117 saylı seçki dairəsinin ərazisində yaşayan Şəhid ailələrinin evlərinə sovqat göndərmiş, müsəlman dünyasının mənəvi birlik, həmrəylik və qardaşlıq rəmzi olan bu mübarək bayram günündə şəhidlərimizin nurlu xatirəsini ehtiramla yad etmişdir.
O, bu bayramda müsəlmanların Allah yolunda hər bir fədakarlığa hazır olduqlarını nümayiş etdirdikləri kimi, Vətən müharibəsində də Azərbaycan xalqının Müzəffər Ali Baş Komandan İlham Əliyevin rəhbərliyi altında Vətənimizin müstəqilliyi və ərazi bütövlüyü uğrunda canlarını qurban verməyə hazır olduqlarını real olaraq göstərdiyini söyləmışdır. Qurban bayramı Allah yolunda fədakarlığın, ikinci Qarabağ müharibəsi isə Vətən yolunda fədakarlığın nümunəsidir. Vətən müharibəsində qazanılan Zəfər həm də xalqımızın illərdir kəsdiyi qurbanların və dualarının qəbul olunduğunun göstəricisidir.
Bu diqqəti yüksək qiymətləndirən Şəhid ailələri kəsilən qurbanların Tanrı dərgahında qəbul olunmasını diləmiş, hörmətli deputatlarına öz minnətdarlıqlarını bildirərək, nəinki Qurban bayramında, xalqımız üçün əziz olan bütün bayramlarda onları unutmadığı üçün təşəkkürlərini ünvanlamışlar.
aia.az
Geri dön