Məktəb direktorlarının 5 illik hesabatları dinlənilir
7-07-2021, 11:44. Yazar: sevinc1
Bakı Şəhəri üzrə Təhsil İdarəsi (BŞTİ) tərəfindən məktəb direktorlarının 5 illik hesabatları dinlənilir və müvafiq dövrü əhatə edən fəaliyyət təhlil olunur.
Bu barədə BŞTİ-dən məlumat verilib. Bildirilib ki, hesabatların keçirilməsində əsas məqsəd 5 il ərzində məktəb direktorunun ümumi fəaliyyətini dəyərləndirmək, məktəbin inkişaf dinamikasını təhlil etmək, təhsil müəssisələri rəhbərlərinin növbəti tədris ili üçün fəaliyyət istiqamətlərini müəyyənləşdirməkdən ibarətdir.
Qeyd edilən məsələlərlə bağlı müvafiq tövsiyələr verilir, direktorları maraqlandıran suallar cavablandırılır və qarşılıqlı fikir mübadiləsi aparılır.
Dinlənilmədə BŞTİ-nin müdiri Mehriban Vəliyeva, idarənin struktur bölmə rəhbərləri və məktəb direktorları iştirak edirlər.
AİA.Az
Geri dön