Məktəb inspektoru olmaq istəyənlərin nəzərinə
2-07-2021, 15:04. Yazar: sevinc1
Təhsildə Keyfiyyət Təminatı Agentliyi (TKTA) tərəfindən məktəb inspektoru vəzifəsi üzrə elan edilən müsabiqə davam edir.
Təhsil Nazirliyindən bildirilib ki, vakansiya üzrə müraciətlərin qəbulu iyulun 10-dək davam edəcək. Müraciət etmək istəyən şəxslər TKTA-nın rəsmi internet səhifəsinə (www.tkta.edu.az) daxil olub vakansiya tələbləri ilə tanış olduqdan sonra məlumatlarını göndərə bilərlər.
Qeyd edək ki, layihənin məqsədi məktəblərdə tədrisin keyfiyyətini yüksəltmək, o cümlədən məktəb-şagird-valideyn əlaqələrini daha da gücləndirərək, sağlam və keyfiyyətli təhsil mühiti formalaşdırmaqdır.
AİA.Az
Geri dön