YAP Şəmkir rayon təşkilatının nümayəndələri şəhid ailələrini ziyarət ediblər
18-06-2021, 17:05. Yazar: sevinc1
YAP Şəmkir rayon təşkilatının nümayəndələri partiyanın fəal gəncləri ilə birgə Azərbaycanın bütövlüyü uğrunda canlarından keçmiş şəhid ailələrni ziyarət ediblər.
YAP Şəmkir rayon təşkilatının sədri Fəxrəddin Vəliyev görüşdə Ali Baş Komandanımızın rəhbərliyi ilə şəhidlərimizin qisasının alındığını və düşmənə layiqli cavab verildiyini qeyd etmiş və bildirmişdir ki, qəhrəman Azərbaycan əsgər eyni zamanda zabitlərinin cəsarəti, mətanəti və milli ruhu xalqımıza şanlı Qarabağ zəfərini bəxş edib. Azərbaycanın igid əsgər və zabitləri Vətən müharibəsində elə bir şanlı tarix yazdılar ki, bu qəhrəmanlıq dastanı əbədi yaşayacaq, nəsillər tərəfindən öyrəniləcək və şəhidlərimizin əbədiyaşar xatirələri daima yad olunacaq.
Görüşdə şəhidlərimizin Vətən müharibəsinin ilk günlərindən ön cəbhədə savaşdığı, döyüş meydanında böyük şücaət və cəsarət nümunələri göstərdiyi vurğulanıb.
Görüşdə həmçinin, təşkilatın nümayəndələri şəhid ailələrinin qayğıları ilə maraqlanıblar.
Şəhid ailələri dövlət tərəfindən onlara göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban Əliyevaya öz təşəkkürlərini bildiriblər.
aia.az
Geri dön