Dünya Kubokunda yaxşı nəticə göstərmək istəyirəm - Azərbaycanlı gimnast
4-05-2021, 13:39. Yazar: sevinc1
Mən Bakıda keçiriləcək bədii gimnastika üzrə Dünya Kubokunda yaxşı nəticə göstərmək istəyirəm.
Bunu Trend-ə Azərbaycan milli komandasının üzvü, Dünya Kubokunun iştirakçısı Arzu Cəlilova deyib.
O bildirib ki, yarışa hazırlıqlar intensiv keçir:
"Gündə səkkiz saata yaxın məşq edirəm. Yaxşı nəticə göstərmək istəyirəm. Milli Gimnastika Arenasında keçirilən Dünya Kubokunda ilk dəfə iştirak edəcəyəm. İndiyədək gənclər arasında turnirlərdə iştirak etmişəm, indi ilk dəfə böyüklər arasında xalçaya çıxacağam. Bu, çox həyəcanverici hissdir və doğma meydanda çıxış etmək böyük məsuliyyətdir".
Gimnastın sözlərinə görə, o və komanda yoldaşları Dünya Kubokunun Bakıda keçirilməsi qərarını böyük sevinclə qarşılayıb.
AIA.Az
Geri dön