YAP Göygöl rayon təşkilatının nümayəndələri qazi ailələrini ziyarət ediblər
31-03-2021, 15:58. Yazar: sevinc1
YAP Göygöl rayon təşkilatının nümayəndələri Göygöl şəhər sakinləri, Vətən Müharibəsi qaziləri Mehdiyev Namiq Mürəddin oğlu və Əhmədov Samir Üfəddin oğlunun ailələrini ziyarət etmiş, ailələrə sovqat aparmış və onların qayğıları ilə maraqlanmışlar.
Qazi ailələri ilə görüşdə bildirilib ki, Müzəffər Ali Baş Komandan İlham Əliyevin böyük bacarıq və qətiyyətlə rəhbərlik etdiyi Qarabağ savaşı, Vətən müharibəsi xalqımızın Böyük Qələbəsi ilə başa çatdı. Dövlətimizin başçısı noyabrın 10-da gecə saatlarında Azərbaycan xalqına müraciətində elan etdiyi Böyük Qələbə xəbəri ilə ölkəmizdə böyük sevinclə qarşılandı. Bu qələbədə ən böyük pay sahibləri bizim səngərdə düşməni qaçmağa məcbur edən döyüşçülərimizdir.
Sonda Vətən Müharibəsi qaziləri Mehdiyev Namiq Mürəddin oğlu və Əhmədov Samir Üfəddin oğlunun ailələri göstərilən diqqət və qayğıya görə Yeni Azərbaycan Partiyası Göygöl rayon təşkilatına öz minnətdarlıqlarını bildirmişlər.
aia.az
Geri dön