YAP Saatlı rayon təşkilatının fəalları “Şəhid ailələrinə qayğı” aksiyası davam etdirirlər
19-03-2021, 17:54. Yazar: sevinc1
YAP Saatlı rayon təşkilatının fəalları “Şəhid ailələrinə qayğı” aksiyası çərçivəsində Vətən Müharibəsində qəhrəmancasına Şəhid olmuş rayonun Cəfərxan kəndindən olan Həsənov Nemət Süleyman oğlunun məzarını ziyarət etdilər, ailəsi ilə görüşdülər. Görüş zamanı Şəhidlərimizin əziz xatirəsi yad edilib.
Azərbaycanın ərazi bütövlüyü uğrunda canını fəda edən qəhrəmanımızın keçdiyi şərəfli döyüş yolundan danışılıb, ailə üzvülərinə yüksək hörmət və ehtiram ifadə olunub. Qeyd olunub ki, Şəhidlər qanları, canları ilə Qarabağı, işğal altında olan torpaqları azad edərək ölkəmizə Şanlı qələbə sevinci yaşatdılar. Biz onlara hər zaman borcluyuq. Şəhidlərin əziz xatirəsi hər zaman Azərbaycan xalqının qəlbində yaşayacaqdır. Şəhidimizin vətənə əmanət iki övladı var. Şəhidin valideyinləri dövlət tərəfindən onlara göstərilən yüksək diqqət və qayğıya görə Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə etdilər. Allah Vətən torpaqlarının azadlığı və Azərbaycanın ərazi bütövlüyü uğrunda canından keçən bütün Şəhidlərimizə qəni-qəni rəhmət eləsin.
aia.az
Geri dön