Göygöldə "Şəhid ailələrinə qayğı" aksiyası davam etdirilir
17-03-2021, 18:00. Yazar: sevinc1
Yeni Azərbaycan Partiyasının təəşəbbüsü ilə keçirilən “Şəhid ailələrinə qayğı” aksiyası çərçivəsində YAP Göygöl Rayon Təşkilatının nümayəndələri Vətən müharibəsində Şəhidlik zirvəsinə ucalan Şəhidlərin ailələri ilə görüşlər keçirir. 17 mart 2021-ci il tarixdə keçirilən görüşlərdə rayon təşkilatının aparat rəhbəri Zamir Hüseynov, deputatın köməkçisi Namiq Məmmədov və Göygöl rayon A.Şəmşir adına 7 illik uşaq musiqi məktəbi ərazi ilk partiya təşkilatının sədri Nuranə Quliyeva Göygöl şəhərində Şəhid Əmiraslanov Elgün Sərvan oğlunun və Topalhəsənli kəndində Şəhid İskəndərov Mikayıl Vəkil oğlunun ailəsini ziyarət ediblər.
Təşkilatın nümayəndələri şəhid ailələrinin qayğıları ilə maraqlanmış və onlara ərzaq yardımı göstərilmişdir.
Şəhid ailələri dövlətin və rayon rəhbərliyinin onlara göstərdiyi qayğıdan razılıqlarını bildirmiş, Vətənin müdafiəsi yolunda öz canlarını əsirgəməyən oğulları ilə fəxr etdiklərini bildirmişlər.
aia.az
Geri dön