Şəhid ailələri ziyarət olunub
12-03-2021, 17:06. Yazar: sevinc1
Martın12-də Yeni Azərbaycan Partiyası (YAP) Göygöl rayon təşkilatının nümayəndələri rayonun Quşçu kəndində Vətən müharibəsində qəhrəmancasına şəhid olmuş Zeynalov Nurlan Vasif oğlu və Qarabulaq kəndində Mirzəyev Şirzad Mirzə oğlunun ailələrini ziyarət ediblər.
YAP Göygöl rayon təşkilatının aparat rəhbəri Zamir Hüseynov, deputatın köməkçisi Namiq Məmmədov və AVMVİB-nin Göygöl rayon şöbəsinin sədri Həbib Hüseynov şəhid ailələrinin vəziyyətləri ilə maraqlanıblar , ailələrə qəhrəman oğullar böyütdüklərinə görə təşəkkür ediblər. Həmçinin şəhidlərin ailələrinə ərzaq yardımı edilib.
YAP Göygöl rayon təşkilatının nümayəndələri bildiriblər ki, Azərbaycan Dövləti öz oğullarının qəhrəmanlıqlarını yüksək qiymətləndirir və bunu heç zaman unudmayacaq.
Görüşdə şəhid ailələri onlara göstərilən diqqət və qayğıya görə dövlətimizin başçısı İlham Əliyevə və Azərbaycanın Birinci vitse-prezidenti Mehriban xanım Əliyevaya dərin minnətdarlıqlarını bildiriblər.
aia.az
Geri dön