YAP Samux rayon təşkilatının nümayəndələri yaralanmış Vətən Müharibəsi qazilərini evlərində ziyarət ediblər
10-03-2021, 17:50. Yazar: sevinc1
YAP Samux rayon təşkilatında torpaqlarımızın düşməndən azad edilməsi istiqamətində uğurlu hərbi əməliyyatlarda qazi adını qazanan Vətən övladları daim diqqətdə saxlanılır. 10 Mart 2021-ci il tarixində YAP Samux rayon təşkilatının təşkilatçılığı ilə Vətən müharibəsində yaralanmış qazilərlər növbəti dəfə ziyarət edildi. Ziyarətdə YAP Samux rayon təşkilatının sədri Gündüz Bayramov və Sərkar kənd ərazi ilk partiya təşkilatının sədri Şəmistan Yusifov iştirak etdi.
Onlar Vətən müharibəsi zamanı torpaqlarımızın azadlığı uğrunda döyüşlərdə yaralanmış Sərkar kənd qazilərindən 12 qazi ailəsini ziyarət ediblər. Ziyarət zamanı yaralanmış qazilərin, onların ailələrinin problemləri ilə maraqlanılıb və sovqat təqdim olunaraq xalqımızın belə qəhrəman oğullarımızla fəxr etdiyi bildirilib. Qeyd olunub ki, şəhid ailələrinin və qazilərin problemlərinin həlli daim dövlətin diqqət mərkəzindədir.
aia.az
Geri dön