Samuxda daha bir şəhid dəfn edildi
10-03-2021, 15:17. Yazar: sevinc1
Şəhidlik adi ölüm deyil, Vətən, torpaq, böyük amallar uğrunda candan keçmək, özünü şüurlu şəkildə qurban vermək deməkdir. Şəhidlik verilmiş ömür payını gələcək nəsillərin xoşbəxtliyinə bağışlamaqdır.
Qüdrətli ordumuz 44 günlük Vətən müharibəsində öz adını tarixin səhifələrinə qızıl hərflərlə yazdırdı. Bu müqəddəs amal uğrunda neçə-neçə qəhrəman əsgərlərimiz şəhid oldu. Belə mərd, cəsur əsgərlərimizdən biri də Xocavənd istiqamətində düşmənə qarşı qəhrəmanlıqla vuruşan, öz mərdliyi və cəsarəti ilə seçilən 1991-ci il təvəllüdlü, Samux rayonu Qarayeri qəsəbə sakini Cəfərov Babək Məxsus oğludur. O, müharibə zamanı aldığı yaradan sonra uzun müddət koma vəziyyətində xəstəxanada saxlanılmışdır. Həkimlərin bütün müdaxilələrinə baxmayaraq qəhrəman əsgərimiz 8 mart 2021-ci ildə şəhidlik zirvəsinə ucalmışdır. Şəhidimiz doğulduğu Qarayeri qəsəbəsində torpağa tapşırılmışdır. Allah bütün şəhidlərimizə rəhmət eləsin.
aia.az
Geri dön