Üç nəfər Gəncə sakinini döyüb xəstəxanalıq etdi
16-04-2016, 17:15. Yazar: admin
Gəncənin Cavadxan küçəsində döyülmə faktı qeydə alınıb.
“Qafqazinfo” Kəpəz TV-yə (RegionTV) istinadən xəbər verir ki, 3 nəfər naməlum şəxs şəhər sakini Qasım Qasımova küt alətlə müxtəlif xəsarətlər yetiriblər. Hadisədən sonra yaralı ətrafdakıların köməkliyi ilə Gəncə şəhər Təcili Tibbi Yardım Şöbəsinə gətirilib. İlkin tibbi yardımdan sonra xəstənin vəziyyəti orta ağır kimi qiymətləndirilir.
Zərərçəkənin həkimlərə verdiyi məlumata görə, o, ona xəsarət yetirən şəxsləri tanımayıb.
Artıq hadisə ilə bağlı hüquq mühafizə orqanlarına məlumat verilib. Polis həmin şəxslərin müəyənləşdirilməsi istiqamətində əməliyyat- axtarış tədbirlərini davam etdirir.
Geri dön