Alimlər Yerə düşən meteoritlərdə su izləri aşkar ediblər
13-01-2021, 09:05. Yazar: sevinc1
Avstraliya və Amerika alimləri planetimizə düşən meteoritlərdə su izləri tapıblar.
“Science” jurnalının məlumatına görə, Sidneydəki Makkuori Universitetində çalışan Saymon Terner və həmkarları son yüz ildə Yerə düşən bir neçə meteoritin tərkibini araşdırıblar.
Onlar bu meteoritlərdə suyun iştirakı ilə kimyəvi reaksiyaların getdiyini müəyyən ediblər. Alimlərin hesablamalarına əsasən, sözügedən kimyəvi proseslər son milyon il ərzində baş verib.
Əksər astrofiziklər hesab edirlər ki, Yerdə həyatın əsasını qoyan su məhz meteoritlər vasitəsilə planetimizə gəlib. Lakin bunun nə zaman baş verməsi hələ də mübahisəli məsələ olaraq qalır.
aia.az
Geri dön