Bakıda əsən güclü külək nə vaxt dayanacaq?
13-07-2015, 13:45. Yazar: admin
Bakıda əsən güclü şimal küləyi sabah günortadan sonra mülayimləşəcək
Aia.az Ekologiya və Təbii Sərvətlər Nazirliyinin Milli Hidrometeorologiya Departamentinə istinadən bildirir ki, iyulun 14-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Arabir güclənən şimal-qərb küləyi əsəcək, günün ikinci yarısında külək mülayimləşəcək.
Bakıda və Abşeron yarımadasında havanın temperaturu gecə 20-24, gündüz 26-30 dərəcə isti olacaq.
Azərbaycanın rayonlarında iyulun 14-də hava əsasən yağmursuz keçəcək. Lakin axşam və gecə bəzi dağlıq yerlərdə şimşək çaxacağı, qısamüddətli yağış yağacağı ehtimalı var. Şərq küləyi əsəcək, arabir güclənəcək.
Havanın temperaturu gecə 20-25, gündüz 33-37, dağlarda gecə 13-18, gündüz 26-31 dərəcə isti olacaq.
Geri dön