Vətən müharibəsi iştirakçılarının təltif olunanları arasında Azərbaycan Meliorasiya və Su Təsərrüfatı ASC-nin işçiləri də var
30-12-2020, 16:51. Yazar: sevinc1
Müzəffər Ali Baş Komandan, Prezident İlham Əliyevin gərgin siyasi-diplomatik fəaliyyəti və rəhbərliyi nəticəsində şanlı ordumuzun Vətən müharibəsindəki möhtəşəm Qələbəsi hər birimizi sevindirir.
Azərbaycan Meliorasiya və Su Təsərrüfatı ASC-nin nümayəndəsi Dilqəm Şərifovun verdiyi məlumata görə, bu qələbədə payı olanlar arasında Azərbaycan Meliorasiya və Su Təsərrüfatı ASC-nin işçiləri də var. Belə ki, Vətən müharibəsində 226 meliorator torpaqlarımızın azadlığı uğrunda vuruşub, onlardan 17 nəfəri yaralanıb, 3 nəfəri isə qəhramancasına şəhid olub. Qəhrəmancasına döyüşən 226 nəfərdən 49 nəfəri Ali Baş Komandan, Prezident İlham Əliyev tərəfindən mükafata layiq görülüb. Bildirək ki, melioratorlardan 49 nəfəri ümumilikdə 66 ədəd medal və fəxri fərmanla mükafatlandılrılıb. Biz də bütün mükafat alan döyüşçülərimizi həm mükafat almaları, həm də Zəfər Bayramı münasibətilə təbrik edirik və şəhidlərimizə allahdan rəhmət diləyirik.
Qarabağ Bizimdir, Qarabağ Azərbaycandır!
aia.az
Geri dön