Ana Sayfa > İqtisadiyyat > Xarici valyutada kredit verilməsi dayandırıldı - Bir aylıq+Rəsmi

Xarici valyutada kredit verilməsi dayandırıldı - Bir aylıq+Rəsmi


11-04-2016, 15:24. Yazar: admin
Xarici valyutada kredit verilməsi dayandırıldı - Bir aylıq+Rəsmi






Azərbaycan Maliyyə Bazarlarına Nəzarət Palatasının Direktorlar Şurasının iclasının qərarı ilə aprelin 5-dən etibarən Azərbaycanda fəaliyyət göstərən bütün kredit təşkilatları tərəfindən xarici valyutada istehlak kreditlərinin verilməsi bir ay müddətinə dayandırılıb.

Aia.az Azərtac-a istinadən xəbər verir ki, bu barədə palatanın xarici valyutada istehlak kreditlərinin verilməsinin dayandırılmasına dair əlavə məlumatında bildirilir.

“Açıqlanması üçün bir sıra müraciətləri nəzərə alaraq bildiririk ki, qadağa tədbiri istehlak kreditlərinin bütün növlərinə şamil edilir. Bütün növ istehlak kreditlərinə kart, avtomobil, əmanətə bağlı, tam və ya qismən təminatlı və saır növ kreditlər daxildir. Bu növ kreditlərin restrukturizasiya edilməsi (müqavilə şərtlərinin dəyişdirilməsi və ya yeni öhdəlik kimi rəsmiləşdirilməsi) qadağanın əhatə dairəsindədir”, - deyə Maliyyə Bazarlarına Nəzarət Palatasının məlumatında deyilir.
Geri dön