Nazir müharibədə iştirak edən gənclərin təhsil haqlarından danışdı
2-12-2020, 18:01. Yazar: sevinc1
Müharibədə iştirak edən gənclərin təhsil haqlarından azad edilmələri üçün bəzi ölkələrdə bu qəbildən olan şəxslər üçün müəyyən güzəştlər var. Düşünürəm ki, hazırda ölkəmiz prosesin hələ ortasındadır. Zəfər əldə edilib, ancaq prosesin nəticələri qiymətləndirilir.
aia.az xəbər verir ki, bunu Təhsil naziri Emin Əmrullayev müharibədə iştirak edən gənclərin təhsil haqlarından azad edilməsi barədə hər hansı addımların atılıb-atılmaması ilə bağlı məsələyə aydınlıq gətirərkən deyib.
Onun sözlərinə görə, Azərbaycan dövləti hər zaman vətəndaşı üçün müvafiq şərait yaradır.
"Təbii ki, müharibə veteranlarının da layiqli şəkildə əməyinin qiymətləndirilməsi məndə heç bir şübhə yaratmır. Qazilərlə bağlı məsələyə status kimi baxmalıyıq. Həmin vətəndaşlarımızın hansı statusa malik olması və nə kimi güzəştlərə sahib olması müəyyənləşdirilməlidir”.
aia.az
Geri dön