“ABŞ Azərbaycanın gələcək layihələrinə dəstək verəcək“
11-07-2015, 17:48. Yazar: admin
Amos Hokstayn: "İki ölkə arasında xoş münasibətlər və güclü tərəfdaşlıq mövcuddur"
"Cənub Qaz Dəhlizi həm kommersiya, texniki, həm də siyasi, diplomatik baxımdan mürəkkəbliyi ilə seçilən bir layihədir. ABŞ bu layihəyə bilavasitə diplomatik dəstək verir".
Bunu Bakıda səfərdə ABŞ Dövlət Departamentinin Beynəlxalq enerji məsələləri üzrə xüsusi elçisi və əlaqələndiricisi Amos Hokstayn keçirdiyi brifinqdə deyib.
O bildirib ki, Cənub Qaz Dəhlizi bilavasitə Avropanın enerji təhlükəsizliyinə təminat verən layihədir: ""Biz ABŞ-ın təmsil olunduğu bütün qurumlarda bu layihəyə yardımı davam etdirəcəyik və bu layihənin Avropanın enerji təhlükəsizliyinin təminatında açar olduğunu, buna öz töhfəsini verdiyini deyəcəyik. Hazırda artıq Cənub Qaz Dəhlizinin tikintisinə başlanılıb. ABŞ Azərbaycanın gələcək layihələrinə də dəstək verəcək".
Bu gün Azərbaycan Prezidenti İlham Əliyevlə görüşdüyünü deyən Dövlət Departamentinin Beynəlxalq enerji məsələləri üzrə xüsusi elçisi və əlaqələndiricisi qeyd edib ki, görüşdə enerji təhlükəsizliyi ilə bağlı müzakirələr aparılıb.
O, həmçinin Azərbaycanla ABŞ arasında xoş münasibətlərin və güclü tərəfdaşlığın olduğunu qeyd edib. (report.az)
Geri dön