Ana Sayfa > İqtisadiyyat > Türkiyədən Azərbaycana kimyəvi məhsul ixracı cüzi azalıb

Türkiyədən Azərbaycana kimyəvi məhsul ixracı cüzi azalıb


22-06-2020, 10:24. Yazar: sevinc1
Türkiyədən Azərbaycana kimyəvi məhsul ixracı cüzi azalıb


2020-ci ilin yanvar-may aylarında Türkiyədən Azərbaycana kimyəvi məhsulların ixracı 2019-cu ilin eyni dövrü ilə müqayisədə 0,85 faiz azalaraq 29,224 milyon dollar təşkil edib.

Bu barədə Trend-ə Türkiyə Ticarət Nazirliyindən bildiriblər.

May ayında Türkiyədən Azərbaycana kimyəvi məhsulların ixracı 2019-cu ilin mayı ilə müqayisədə 28,21 faiz azalıb və 5,328 milyon dollara bərabər olub.

Yanvar-may aylarında Türkiyənin dünya bazarlarına kimyəvi məhsulların ixracı 2019-cu ilin eyni dövrü ilə müqayisədə 17,2 faiz azalaraq 7,216 milyard dollar təşkil edib.

Bu müddət ərzində Türkiyənin ümumi ixracında kimyəvi məhsulların ixracının payı 11,7 faizə bərabər olub.

Son 12 ay ərzində (may 2019 - may 2020) Türkiyə 19,086 milyard dollar məbləğində kimyəvi məhsul ixrac edib.

aia.az
Geri dön