Məktəblərə qənim kəsilmiş oğru dəstəsi ələ keçdi
4-03-2016, 16:29. Yazar: admin
DİN məlumat yaydı.
Abşeron polisi məktəblərə qənim kəsilmiş oğru dəstəsini ələ keçirə bilib.
Bu barədə DİN-in mətbuat xidmətindən məlumat verilib.
Məlumata əsasən, quldur dəstəsi martın 1-də və 2-də Xırdalan şəhərində yerləşən 2 saylı orta məktəbdən 2500 manat və mobil telefon, 1 saylı orta məktəbdən 580 manat, Masazır qəsəbəsində yerləşən 1 saylı orta məktəbdən kompyuter, qəsəbədə yerləşən Laçın rayonunun Çıraqlı kənd orta məktəbdəki seyfdən 700 manat və 2 saylı orta məktəbin inzibati binasından 2 ədəd kompyuter oğurlayıblar.
Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində məktəbləri qarət edən Masazır qəsəbə sakinləri Mülkədar Rəhimov,Əkbər Kərimov və Namiq Həsənli tutulublar.
Geri dön