ABŞ prezidenti Çinə qarşı sanksiyalar haqqında qanun layihəsindən danışdı
14-05-2020, 11:34. Yazar: sevinc1
ABŞ prezidenti Donald Tramp koronavirusa görə Çinə qarşı sanksiya tətbiq edən qanun layihəsini hələ görmədiyini, ancaq layihə ilə tanış olacağını deyib.
Trend-in məlumatına görə, söhbət ABŞ Senatına Respublikaçı Lindsi Qrem tərəfindən təqdim edilmiş “Pekinin əməkdaşlıq etməyəcəyi və koronavirusun yayılmasına səbəb olan hadisə barədə tam hesabatı göstərməyəcəyi” halda Çinə qarşı sanksiyaları nəzərdə tutan qanun layihəsindən gedir.
Bununla bağlı mayın 13-də Ağ Evdə D.Tramp ilə Kolorado və Şimali Dakota ştatlarının qubernatorları arasında keçirilən görüşdə jurnalistlər prezidentdən qanun layihəsini imzalayıb- imzalamayacağını soruşub.
ABŞ prezidenti suala cavab olaraq bildirib ki, bu layihə ilə tanış olacağam, amma hələki onu görməmişəm.
aia.az
Geri dön