"Qarabağ" Riçard Almeydanı itirdi
22-02-2016, 12:49. Yazar: admin
Azərbaycan Premyer Liqasının XXII turunun oyunları iki futbolçunun cəzalı duruma düşməsi ilə nəticələnib.
Aia.az Milli.Az-a istinadən bildirir ki, çempionatın lideri "Qarabağ" daha ciddi itki ilə üzləşib.
Ağdam təmsilçisi Premyer Liqanın bombardiri Riçard Almeydanın xidmətindən məhrum olub. Buna səbəb braziliyalı yarımmüdafiəçinin mövsümdə 4-cü dəfə sarı vərəqə almasıdı.
"Neftçi" ilə ev oyununda (2:0) cəzalanan Almeyda XXIII turu buraxmalı olacaq. O, "İnter"lə səfər matçına çıxa bilməyəcək.
AZAL isə Tural Hümbətovu itirib. "Sumqayıt"la səfər matçında sarı vərəqə alan futbolçu xəbərdarlıq sayını 4-ə çatdırıb.
Lakin onun yoxluğu "təyyarəçilər" üçün ciddi itki sayılmamalıdı. Çünki AZAL növbəti turda çempionatın autsayderi "Rəvan"ı qəbul edəcək.
Geri dön