Bakıda 66 yaşlı qadını vurub qaçan "TATRA"nın sürücüsü saxlanıldı
12-03-2020, 11:06. Yazar: sevinc1
Bakıda qadını vurub qaçan avtomobil müəyyən edilib .
Trend-in məlumatına görə, hadisə paytaxtın Nərimanov rayonu, A. Nemətulla küçəsində baş verib.
Bakı şəhər sakini, 1954-cü il təvəllüdlü Valentina Hüeseynova yolu keçmək istəyərkən naməlum avtomobil tərəfindən vurulub. Qadını vuran avtomobil hadisə yerindən qaçıb. Nərimanov rayon Polis İdarəsi əməkdaşlarının keçirdikləri əməliyyaqt-axtarış tədbirləri nəticəsində hadisəni törədən avtomobilin "TATRA" markalı yük maşınının olduğu müəyyən edilib.
Keçirilən əməliyyat nəticəsində yük maşınının sürücüsü 1964-cü il təvəllüdlü Ə.Namazov saxlanılıb.
Faktla bağlı araşdırma aparılır.
aia.az
Geri dön