Azərbaycan çempionatının oyunları azarkeşsiz
10-03-2020, 18:16. Yazar: sevinc1
Azərbaycan Premyer Liqasının növbəti iki turunun oyunları azarkeşsiz keçiriləcək.
aia.az xəbər verir ki, bu barədə qərarı Peşəkar Futbol Liqası verib.
Koronavirusun yayılma təhlükəsini nəzərə alan qurum martın 14-15-də baş tutacaq XXI və martın 21-22-də təşkil olunacaq XXII turun görüşlərinin boş tribunlar önündə keçirilməsini məqsədəuyğun sayıb.
III dövrənin son turu çərçivəsində martın 14-də “Qarabağ” – “Qəbələ” və “Sabah” – “Keşlə”, ertəsi gün “Sumqayıt” – “Səbail” və “Neftçi” – “Zirə” matçları baş tutacaq.
IV dövrə isə martın 21-dəki “Zirə” – “Sumqayıt” və “Səbail” – “Keşlə” qarşılaşmaları ilə başlayacaq. Ertəsi gün “Neftçi” – “Qarabağ” və “Qəbələ” – “Sabah” matçları tamaşaçısız baş tutacaq.
Qeyd edək ki, I divizionun da oyunlar azarkeşsiz olacaq.
aia.az
Geri dön