Deputatlığa namizədin əmisi oğlu həbs edilib
23-01-2020, 17:00. Yazar: sevinc1
Deputatlığa namizəd Qəribov Rəşad Fərhad oğlunun əmisi oğlu azadlıqdan məhrum edilib.
Azvision.az -a daxil olan məlumata görə Kürdəmir rayon məhkəməsinin 23 yanvar 2020-ci il tarixli hökmü ilə Qəribov Araz Fəxrəddin oğlu Cinayət Məcəlləsinin 234.2-ci (satış məqsədi ilə qanunsuz olaraq narkotik vasitələri və ya psixotrop maddələri əldə etmə və ya saxlama) maddəsi ilə təqsirli bilinib 4 il 6 ay müddətə azadlıqdan məhrum etmə cəzasına məhkum edilib.
Qeyd edək ki, narkotika ilə həbs olunan Araz Qəribov Milli Məclisin III çağırış deputatı Fərhad Qəribovun qardaşı oğludur. Fərhad Qəribovun oğlu Rəşad Qəribov isə 57 saylı Kürdəmir Seçki Dairəsindən deputatlığa namizədliyini irəli sürüb.
aia.az
Geri dön